Goizeko hamarretan gelditu ginen Altzolaberazeta baserrin bertan. Hamar heldu eta bederatzi ume, Iñaki, Paula eta Haritz, noski. Hiru txakur, Xagu, Katu eta Beti, umeen izugarrizko zaintza lanak egin zituztenak.., eta noski Traktorea. Aurtengo lehenengo auzolana babarruna izan da.
Goiza polita atera zen,
oso giro lan egiteko erosoa, sanua.
Ailatzerakoan azalpen
motz bat zertan zetzan lanak eta prozesioan babarruntegira abiatu ginen.
Babarrunak jasotzen
lan-talde benetan itxurosoa
Umeak primeran pasatu zuten,
txakurrekin, belarrakin eta insektuekin jolasten..
eta babarrunak
jasotzerakoan oso laguntzaile trebeak direla ere demostratu zuten
Lana ta gero, Iñakik eta
Paulak HAMAIKETAKO EDERRA prestau ziguten: Ezkioko sagar zuku ikaragarria, Aizarnazabaleko sagarrak, sagardua, Sosolako eta Anburen gazta, Patata tortilla.., ederki
indarrak berreskuratzeko.
UMEAK PRIMERA PASATU ZUTEN
OILO-TXABOLAN
12ak aldera Iñaki ta Jabi
ume guztiekin, hori pazientzia hori, oilo-txabolara abiatu ziren arrautzak
jasotzera. 220 oilo eta 180-190 arrautza inguru jasotzeko. Hau da eguneroko
lana.
Oso esperientzia polita
izan zen. Iñakik “ale, benga, zuek jasoko dituzue
arrautzak. Kontu hadiz heldu, garbitu xuabe-xuabe ta niri eman, nik utziko
ditut otarran” Eta ume guztiak hara joan ziren arrautzak jasotzea..
xuabe xuabe, guk askotan pentsatsen degun baino trebezia eta ardura handiagoaz.
Bapatean, Ekin eta Maria
garraisika hasi ziren “hau epela dago, hau epela dago!!!” arrautza jaso
berriak hartu zituzten, epel –epelak. “Ikutu ikutu” zioen Iñakik.., ikaragarria izan
zen nola umeek eskuz esku pasatzen zituzten arrautzak aurpegian igurtziz.., “pura vida!!”
Pentsatu nuen, “horrek
bai ematen dula energia”.
Esperientzia ikaragarria
bai umeentzako, baita guretzako ere.
13:30etan bukatu genun
lanaldia; ez genituen babarrun guztiak jaso baina lan polita egin genuen.
Megasuper tilin-talan
probatu behar zan, ausartentzat bakarrik, hau da, umeentzat.,
ieeeeeeeeeeeeeeeeeeeeeeeeeeeepa, helduren batzuk ere animatu ziren probatzera,
nahiz eta bertigoa eduki, je, je...
Erleak ere ikusi
genituen, ta hau ere interesgarria oso izan zen. Asiatar listorrak ehizan
zuzenean ikusteko aukera paregabea izan genuen; benetan ikaragarria!!
Eta bukatzeko ,
traktorean paseotxo bat
Etxera bueltan
- Haizea, ze goiz polita pasatu degun, ez?
- Bai, asko gustatu zait. Beti (txakurra)
nire laguna egin da, eta bere burua nire hanka gainean jartzen usten zidan.
Milesker danoi eta bereziki Haritzeri, Iñakiri eta Paulari
Mendaron, 2014ko urriaren 4an
iruzkinik ez:
Argitaratu iruzkina